Американски сенатор: Некој во Русија треба да го убие Путин
Американскиот сенатор Линдзи Грахам повика „некој во Русија“ да го убие претседателот Владимир Путин, што според него би било „огромна услуга“ за Русија и за остатокот од светот, пренесува Волстрит Журнал.
Препорачано
Некој во Русија треба да го направи тоа „и да се ослободиме од тој човек“, рече сенаторот во една телевизиска емисија.
Тој потоа објави серија твитови каде нагласи дека „единствените кои можат да го направат тоа се Русите“.
Is there a Brutus in Russia? Is there a more successful Colonel Stauffenberg in the Russian military?
The only way this ends is for somebody in Russia to take this guy out.
You would be doing your country – and the world – a great service.
— Lindsey Graham (@LindseyGrahamSC) March 4, 2022
Тој, исто така, праша дали има „полковник Штауфенберг, но поефикасен“ во руската армија, овојпат мислејќи на германскиот офицер Клаус фон Штауфенберг, организаторот на неуспешниот атентат на Адолф Хитлер во 1944 година. „Тие би и направиле огромна услуга на својата земја. и остатокот од светот“.
Линдзи Грaхам, некогаш близок сојузник на претседателот Доналд Трамп, претстави резолуција во Сенатот со која се осудува рускиот претседател и неговите воени команданти, обвинувајќи ги за „воени злосторства“ и „злосторства против човештвото“.
