Американската амбасада во Скопје го осуди нападот кој пред два дена беше извршен врз ЛГБТИ-активистот Беким Асани и повика институциите да ги изведат насилниците пред лицето на правдата.

-Го осудуваме нападот врз ЛГБТИ-активистот Беким Асани вчера и ги повикуваме институциите да истражат и да ги изведат сторителите пред лицето на правдата. Членовите на ЛГБТИ заедницата имаат право на еднакви права и заштита според закон- порачаа од амбасада на САД преку нивниот официјален профил на Твитер.

We condemn the attack on the LGBTI activist Bekim Asani yesterday and urge institutions to investigate and bring the perpetrators to justice. Members of the  #LGBTI  community are entitled to equal rights and protections under the law.

— U.S. Embassy North Macedonia (@USEmbassySkopje) August 6, 2020

Асани кој е претседател на невладината „ЛГБТИ Јунајтед“ од Тетово, во близина на канцеларијата на организацијата пред два дена физички бил нападнат од две лица.

Полицијата го регистрирала нападот, а Асани иако е повреден се чувствува добро.

Тој и минатата година беше физички нападнат во Сарај, веднаш по завршувањето на парадата на гордоста во Скопје.

Нападнат Беким Асани: Планирам да купам пиштол, не може кој како ќе стигне да ме тепа!