Американските власти обвинија маж за убиство од прв степен, откако во неделата избодел и убил свештеник во црква. Осомничениот е обвинет и за кражба и поседување оружје, јавува АП.

Свештеникот Стефан Гутгсел, од црквата Св. Јован Крстител во Небраска, бил нападнат во црквата. При нападот успеал да повика полиција. Кога полицајците пристигнале на местото на настанот околу 5:00 часот по локално време, го нашле Гутгесел како лежел на подот.

Имал убодни рани по лицето и телото, а осомничениот Кјер Л. Вилијамс бил над него. Свештеникот бил пренесен во болницата на Универзитетот во Небраска, каде подоцна починал од повредите. Тој имал 65 години, објавија локалните медиуми.

Оружјето со кое е извршено убиството било пронајдено во близина, во друга соба. Од полицијата велат дека кога пристигнале ја нашле вратата скршена и слушнале како некој барал помош.

Вилијамс е уапсен и приведен. Засега не е познато каква врска имале Вилијамс и Гутгсел, но полицијата вели дека се работи за „убиство со умисла, кое било намерно извршено за време на кражба“. Вилијамс веќе е осуден, а против него се распишани потерници во други американски држави.