Повеќето Американци изразуваат незадоволство од начинот на кој претседателот Доналд Трамп се справува со прашањата поврзани со војната меѓу Израел и Иран, според најновата анкета на весникот „Економист“ и маркетинг агенцијата „ЈуГов“.

Истражувањето спроведено меѓу 13 и 16 јуни покажа дека 37 отсто од нив го одобруваат начинот на Трамп за решавање на иранско-израелскиот конфликт, 44 отсто не се задоволни од неговиот пристап кон Израел, а 41 отсто од пристапот кон Иран.

Кога станува збор за воена интервенција, само 16 отсто од Американците сметаат дека САД треба да интервенираат, а 60 отсто се против каква било воена акција.