Влијателните личности се одговорни за популарноста на многу работи, што важи и за она што го јадеме. Ова е случај и со чоколадото од Дубаи, со побарувачката што предизвика недостиг од ф’стаци како состојка на овој деликатес на светскиот пазар. Сега благодарение на нов рецепт има недостиг на урда. Овој недостиг се случува во Соединетите Американски Држави, а тиктокерите се одговорни за тоа.

Урдата е храна запоставена од Американците со години, а најчесто се споменуваше во контекст на стари менија и препораки за здрава исхрана од 1950-тите. Сепак, младите корисници на социјалната мрежа Тикток, „гладни“ за протеини, смислија нови рецепти, правејќи ја урдата интернет сензација. Популарните брендови се борат да ја одржат понудата поради значителното зголемување на побарувачката за оваа храна.

Имено, продажбата на американскиот пазар се зголеми за 20 проценти во споредба со претходната година. Не толку одамна, во 2021 година, продажбата се намалуваше. Фактот дека урдата од брендот Гу Калчр, која се појавува во многу видеа на Tикток, се разграбува од полиците е исто така показател за тоа колку е голема продажбата, пишува Си-ен-ен, пренесува Кликс.ба.