Алтернатива бара истрага за назначувањето на Бесијан Ахмети, внук на лидерот на ДУИ Али Ахмети, во амбасадата во Брисел и објаснување и одговорност од шефот на диполоматијата Бујар Османи. Партијата на Африм Гаши прашува уште колку внуци има Ахмети.

„Само неколку дена откако 24-годишниот внук на Али Ахмети го купи комерцијалниот центар „Соравија“, уште еден внук на Ахмети е именуван за прв секретар во амбасадата на Северна Македонија во Брисел. По Дрин Ахмети, за кој се покажа дека има „посебни деловни вештини“, другиот внук Бесијан Ахмети излегува дека има „посебни дипломатски вештини“ и толку многу што е пратен во дипломатијата без оглед на неговиот стаж од помалку од една година и дипломатското искуство „нула“. Се разбира, како што изгледа, во овие случаи поважно од сè е презимето Ахмети и семејната врска со Али Ахмети – велат од Алтернатива.

Од таму велат наместо Бујар Османи да ги унапреди и да испрати десетици Албанци со искуство во дипломатијата, кои со години се вртат по ходниците на МНР и ги игнорира, зема многу млад и неискусен кадар и го испраќа во центарот на дипломатијата.

„Ова е штетно за дипломатијата на нашата држава и е лоша слика за Северна Македонија, но е и депресивна за секој млад Албанец кому чичко не му е Али Ахмети и кој нема презиме Ахмети. Затоа, не можеме а да не прашаме колку внуци има Ахмети? прашуваат од Алтернатива.