Ракометарите на Алкалоид го продолжија  победничкиот ритам и на домашна сцена откако вечерва со 33-30 беа подобри од Бутел Скопје во последниот натпревар од четвртото коло од плејофот во Суперлигата.

Избраниците на Кирил Лазаров уште во првото полувреме си ја поставија основата за триумф, кога направија предност од три гола (16-13), која ја одржаа до крајот на натпреварот. Второто полувреме мина во изедначена борба, но домашниот состав не дозволи пресврт.

На теренот блескаше Мартин Серафимов, кој буквално беше нерешлива енигма за одбраната на гостите – заврши со 11 погодоци и ја понесе титулата најдобар стрелец на мечот.

Сега фокусот на тимот од Автокоманда повторно се враќа на европската сцена бидејќи на 27 април во Норвешка ги очекува реваншот против Рунар, меч кој ќе одлучува кој ќе патува во финалето на ЕХФ Европскиот куп.