Eкипата на Алкалоид го дозна противникот во четвртфиналето од ЕХФ Европскиот куп и ќе се соочи со Баја Маре од Романија.

Македонскиот претставник кој игра одлично во ова натпреварување и досега победи на сите средби може да биде задоволен од ждрепката бидејќи го избегна грчкиот АЕК.

Баја Маре е екипа која е четвртопласирана во романското првенство со 35 бода и заостанува дури 14 зад лидерот Динамо Букурешт.

АЕК кој беше најнепосакуван противник во ждрепката ќе игра против Партизан и српскиот клуб ќе треба да направи вистински подвиг за полуфинале.

Првите натпревари се играат на 22/23 март ,а реваншит седум дена подоцна.

Во останатите два натпревари ќе се сретнат: Олимпијакос – Рунар и Хаукар – Извидач.