Предлогот на Алтернатива за формирање на Заедница на албански општини во Македонија го сметаме за несериозен со тенденција Албанците да се стават во однос на дневната политика, се вели во реакцијата на Алијансата за Албанците.

„Албанците живеат во територијален континуитет, а не во енклави, во општини каде Албанците се апсолутно мнозинство, во општини со релативно мнозинство и во општини со помал процент. Политичките и територијалните организации кои не им служат нив не се вредни за дискусија“, велат од партијата на Арбен Таравари.

„Србите во Косово, како и Албанците во Србија, се малцинство и овие стандарди мора да имаат реципроцитет и ние апсолутно го поддржуваме тоа. Дури сметаме дека такви права треба да имаат Унгарците и Босанците во Србија.Албанците во Македонија се 1/3 од вкупното население, а не малцинство. Решенијата за заштита на малцинствата кои се размислуваат за други реалности не можат да се применат во контекст на нашето мултиетничко општество и консоцијативна демократија“, стои во писмената реакција на Алијансата за Албанците.

Претодно со свои реакции за предлогот на Алтернатива излегоа и од двете големи владеачки партии СДСМ и ДУИ од каде се изјаснија против овој предлог.

За СДСМ е несериозен, а за ДУИ е антиевропски предлогот на Алтернатива.

Со свои реакции се јавија и од ЛДП и СПМ.

Демократски сојуз: Ги осудуваме изјавите на албанските партии за дестабилизација на Македонија