Сплитски Хајдук реши да ја прекине соработката со тројца искусни фудбалери на крајот од оваа сезона. Од Пољуд најверојатно ќе си заминат Ловре Калиниќ, Јосип Елез, како и македонскиот репрезентативец Александар Трајковски.

Според хрватските медиуми, на сите тројца ќе им истече договорот на 30 јуни, а клубот наводно одлучил да не им понуди продолжување.

Сезонава Хајдук се бори за толку посакуваната шампионска титула, која ја чека 20 години.

Тренерот Џенаро Гатузо го однесе тимот на подготовки, а завршницата на шампионатот носи голема борба со Риека и Динамо за пехарот.

Трајковски, 32-годишниот напаѓач сезонава настапи на 11 натпревари, најмногу од клупата за резерви и постигна еден гол. Македонецот е големо разочарување и најверојатно ќе си замине, особено ако Гатузо го врати Словенецот Јан Млакар.