Се шпекулира дека сè повеќе е извесно дека Јасим Бин Хамад Ал Тани ќе биде новиот сопственик на „црвените ѓаволи“.

Според „талкСПОРТ“, катарскиот шеик понудил повеќе од пет милијарди фунти за да го купи еден од најпознатите светски фудбалски клубови, Манчестер јунајтед.

Тоа би бил светски рекорд, договор кој би подразбирал дополнителни суми, капитал за реконструкција или изградба на нов „Олд Трафорд“, како и трансформација на инфраструктурата, односно тренинг центарот.

Семејството Глејзер за продажба на клубот бара седум милијарди долари, односно 5,6 милијарди фунти.

Се верува дека само Катарците се подготвени за 100% преземање на клубот, додека Сер Џим Ретклиф е подготвен да го задржи американското семејство како косопственици во клубот.