Во објектите на основното училиште „Круме Кепески“ во општина Кисела Вода, во тек се активности за подобрување на условите за учениците.

Во подрачното училиште се реконструира влезот, пришто целосно се обновени скалите кои претходно беа речиси уништени, а поставена е и нова настрешница.

Како новитет, во подрачното училиште изграден е тоалет за дечињата со попреченост, со што уште еднаш ја потврдуваме нашата заложба за еднаквост и инклузија на територијата на целата општина. Инвестициите продолжија и во централното училиште „Круме Кепески”, каде што целосно опремивме две училиници за целодневна настава со клупи, столчиња и инвертар, како и дополнително уште две нови училници. Поставен е и нов под, кој со години не беше променет – информира градоначалникот Орце Ѓорѓиевски.

Тој потсети дека претходно во централниот објект на училиштето е изграден нов фудбалски терен со вештачка трева и детско игралиште со нова урбана опрема, сензорна соба која значително го унапреди образовниот процес на дечињата со попреченост, смарт табли за подрачното училиште, ги опремивме сите училници и кабинети со смарт уреди во централното, нови кабинети по информатика, уште еден спортски центар во подрачното училиште, а поставени се и прочистивачи за воздух итн.