Откако од Регионалниот центар за управување со кризи Велес вчера информираа дека избувнал пожар во реонот на општина Чашка, поточно помеѓу селата Богомила и Мокрени, денеска пожарот на оваа локација е се’ уште активен.

Пожарот кој започна вчера во атарот на село Богомила, поточно покрај пругата кон село Ореше, пред тунелите, сè уште е активен. Гори сува трева и мала површина шума- велат од Центарот.

Оттаму додаваат дека утринава на терен е излезена екипа од осум луѓе од ЈП Национални шуми – подружница Бабуна кои во моментов го гаснат пожарот.