Денеска тетовскиот прволигаш ја информираше јавноста дека Бруно Акраповиќ официјално ја напушти клупата.

Босанскиот стратег минатото лето дојде како замена за Ернест Ѓока после неуспешната европска авантура.

Ја водеше Шкендија и во сезоната 2015/2016, а во својата тренерска кариера беше дел уште од ЦСКА Софија, Локомотив Пловдив, РНК Сплит, Колеџ Европа, Неретва Метковиќ, НК Солин, НК Вал, Мосор Зрновница и Сатурн (асистент).

На осум кола до крајот на Првата македонска лига (1МФЛ) Шкендија е второпласирана со 48 бодови, 13 помалку од водечкиот Шкупи.

Пред два дена уште еден прволигаш се раздели со својот тренер, после поразот (трет по ред) од Струга Трим Лум, Борче Христов го напушти Работнички.