22-годишна девојка со ирско-израелско потекло исчезнала откако вооружени лица од Хамас го нападнале музичкиот фестивал „Супернова“ во близина на границата со Газа.

Во интервју за Еј-Би-Си Њуз, Џенифер Дамти рече дека нејзината ќерка Ким и се јавила веднаш по почетокот на нападот. „Ким не сфати дека седум-осум комбиња Тојота полни со терористи пристигнаа на фестивалот и само почнаа да пукаат насекаде“, рече мајката.

„Тие беа застрелани, заклани како патки, и затоа сум тука, затоа што сакам светот да го осуди ваквото однесување. Не можам да спијам. Сè што можам да мислам е каде е таа, дали страда, е таа сè уште е жива. Само сакам да ја вратам“, рекла очајната мајка.

Ирскиот премиер Лео Варадкар рече дека владата е запознаена со случајот и дека конзуларните службеници биле во контакт со семејството.