Општина Аеродром отвори телефонска линија на која граѓаните, почнувајќи од денеска, можат да пријавуваат проблеми со јавното осветлување. Целта е, како што тврдат од Аеродром, навремено решавање на проблемите на граѓаните кои се поврзани со уличното осветлување на територијата на општината.
– Пријавувањето може да се направи на телефонскиот број 072/270-886 од 07:30 до 15:30 часот, или пак во секое време по порака, на електронската адреса [email protected], со писмено барање во просториите на Јавното претпријатие, како и преку урбаните заедници на Општина Аеродром. По добивањето на пријавата службите задолжени за неговото одржување навремено ќе реагираат на терен – информираат од Аеродром.
Оттаму тврдат дека јавното претпријатие одговорно за јавното осветлување на Општина Аеродром ја следи состојбата со улично осветлување и навремено презема мерки за негово подобрување. Како што најавуваат, службите ќе вршат редовни ноќни контроли за согледување на состојбите и отстранување на сите утврдени дефекти, со цел поголема безбедност на граѓаните, како и поголема заштеда на електрична енергија во време на енергетската криза.