Претседателот на Демократскиот сојуз на Косово, Љумир Абдиџику, го обвини премиерот Албин Курти дека сам го дестабилизирал северот, објави Љајми.

„Како резултат на грешките на Курти северот беше дестабилизиран, многу новинари беа претепани, војниците на КФОР беа нападнати, сојузниците воведоа санкции за Косово и сè повторно ќе се врати на нула. На север ќе се организираат избори и српските градоначалници ќе се вратат во нивните општини“, рече тој.

Тој изјави дека се плаши дека за една година, поради договорот на владата на Курти, повеќе нема да се зборува за Заедница на српски општини, туку за територијална автономија, потсетувајќи на точка 7 од Договорот за патот кон нормализација на односите меѓу Косово и Србија од 27 февруари.

„Членот 7 зборува за самоуправување на српската заедница, а самоуправувањето е многу повеќе од асоцијација. Се плашам дека денес се најдовме во ситуација на теренот на северот што ја фаворизира територијалната автономија на Србите Се плашам дека за една година со оваа политика нема да зборуваме за Заедницата, туку за територијална автономија“, рече Абиџику за Телеграфи.