ТФТ Скопје денес дојде до третата победа во АБА 2 лигата откако во Бања Лука славеше над Осјек со 74:70.

Македонскиот претставник одлично го започна натпреварот и во првата четвртина направи 13 поени предност (19:6). Највисоката предност ТФТ ја имаше на крајот на третиот период кога поведе со 16 поени разлика 61:45.

Сепак, таа висока предност како да ги опушти кошаркарите на македонскиот тим, па одиграа лоши десет минути и Осјек успеа да дојде до неизвесна завршница. Во клучните моменти ТФТ беше подобриот тим и не дозволи целосен пресврт па славеше важна победа.

Најефикасен беше Батри ксо 24 поени, Андерсон постигна 11, Николов 10, додека кај Осијек Брадфорд уфрли 22 поени.