Жител на Тетово на 66-годишна возраст подолго време ја прогонувал поранешната девојка, која во еден момент и физички ја нападнал, терајќи ја да ја повлече кривичната пријава против него која ја поднела откако објавил нејзини фотографии на социјалните мрежи, соопшти МВР.

„СВР Тетово поднесе кривична пријава против Д.К.(66) од Тетово поради постоење основи на сомнение за сторено кривично дело „загрозување на сигурноста“ и „демнење“. На 18.12.2024 пријавениот физички ја нападнал поранешната девојка и потоа постојано телефонски и се јавувал и барал да ја повлече пријавата што ја поднела против него, а на социјални мрежи објавувал нејзини фотографии“, пишува во полицискиот билтен.