Помина повеќе од половина милениум откако Кристофер Колумбо го препловил Атлантскиот Океан, а физичките остатоци од неговите три брода – „Санта Клара“, „Пинта“ и „ Санта Марија“ – остануваат изгубени во историјата, пишува Њујорк пост.

Морнарот и истражувач од 15 век стигнал на Бахамите на 12 октомври 1492 година, што се смета за датум кога завршува предколумбиската историја на Новиот свет (Родриго де Тријана од бродот „Пинта“ прв го видел копното).

Иако тоа би претставувало животно откритие за многу љубопитни археолози и ловци на остатоци од бродоломи, ниту еден од трите бродови на Колумбо, можеби најпознатите бродови во историјата, не се пронајдени.

Освен за еден брод, никој не знае ни каде завршиле другите два, освен што се знае дека се вратиле во Европа: дали биле уништени и нивните материјали се користеле за нешто друго или дали некаде потонале и сега чекаат да бидат пронајден.

Но, ако случајно доживеале бродолом на Карибите, досега лесно можеле да станат жртви на „морските термити“, еден вид мекотели кои јадат месо.

Освен тоа, дури и вековните разорни урагани не би биле пријателски настроени кон урнатините ако случајно стигнале на брегот.

– Бродовите изгубени во студените, темни, длабоки води имаат многу поголеми шанси да останат недопрени и да ја задржат својата вреднос на „временска капсула“ – вели археологот Доналд Кит.

Позната е само судбината на „Санта Марија“. Најголемиот брод од флотата на Колумбо, тежок 150 тони, по наредба на Колумбо бил извлечен на бреговите на Хаити на Божиќ 1492 година, за да може неговите материјали да се искористат за изградба на село што тој го нарекол „Ла Навидад“(Божиќ).

Не е познато дали „Санта Клара“ и „Пинта“, кои биле помали каравели, некогаш се вратиле во Новиот свет по нивното патување дома или дали отпловиле на друго место.