Македонскиот бенд Ареа на 8 ноември ќе одржи голем концерт во спортскиот центар „Јане Сандански“ во Скопје. Настанот е по повод 25 години од издавањето на албумот „Врати на имагинација“ и 25 години од нивниот концерт на Скопски саем.

Публиката ќе има можност во живо да го слушне целиот албум, кој ги содржи хитовите „Сите мои слики“, „Одведи ме“, „Пријател“ и „Биди мој“, како и останати познати песни со кои Ареа остави силен белег на македонската музичка сцена.

Влезниците за концертот се веќе во продажба преку avalonbooking.mk и мрежата на karti.com.mk, по цена од 600 денари за партер, 900 денари за фан пит и 990 денари за трибини.

Концертот ќе започне во 20 часот, а организаторите најавуваат вечери исполнета со носталгија и музика што ги поврза повеќе генерации.