Во четвртфиналето на Ролан Гарос беше елиминирана втората ностиелка на турнирот Арина Сабаленка. Белорусинката беше поразена од младата Русинка, Мира Андреева со 2:1 во сетови по два ипол часа битка.

Сабаленка важеше за фаворит, но на теренот не успеа да ја оправда таа улога. Првиот сет донесе изедначена игра, а на крајот Сабаленка успеа да го освои со 7:5 по тај-брејк.

Вториот сет донесе четири брејка по два на двете страни, а на крајот Андреева во клучниот гем од вториот обид го освои сетот и дојде до 6:4.

Одлучувачкиот сет беше нешто поизрамнет. Тенисерките разменија по еден брејк (3:3). Одлучувачкиот момент се случи при водство на 17-годишната Андреева при предност од 5:4. Тука ја искористи втората меч топка и дојде до победата.

Во полуфиналето Андреева ќе игра против Јасмин Паолини од Италија која денес ја елиминираше Елена Рибакина. Во другото полуфинале ќе се соочат Швојнтек и Коко Гоф.

Италијанска тенисерка приреди сензација на Ролан Гарос: Ја победи Рибакина и ќе игра за финале