17-годишна тинејџерка ги има најдолгите нозе на светот: Високите жени ќе сфатат дека висината е подарок
Ученичка од Тексас собори два рекорди за Гинисовата книга – едниот за најдолги женски нозе, а другиот за тинејџерка со најдолги нозе на светот.
Препорачано
Според Гинис, леватa нога нa 17-годишната Маци Курин е со димензии 135,267 см, додека нејзината десна нога е со димензии 134,3 см.
Во видеото објавено на Јутјуб, мајката на тинејџерката зборува за тоа како на рана возраст сфатила дека нејзината ќерка е повисока од нејзините врсници.
– Претпоставувам дека некој ген е одговорен за нејзината висина – рекла таа.
Курин е висока дури 208 сантиметри, нејзиниот брат е висок 193 см, додека нејзината мајка е висока 170 см.
– Во втора година средно училиште престанав да се грижам што мислат луѓето за мене. И штом престанав да се грижам, повеќе ништо не ме погодуваше – изјавила Курин за Гинис.
Тинејџерката сега ги користи социјалните мрежи за да ги инспирира другите да ја прифатат својата висина. Има повеќе од 1,7 милиони следбеници на ТикТок и повеќе од 50.000 на Инстаграм.
– Се надевам дека високите жени ќе сфатат дека висината е подарок. И дека не треба да се срамите што сте високи. Треба да го прифатите тоа – рекла Курин.
