Шпанската актерка Вероника Ечеги почина на 42-годишна возраст откако ја изгуби битката со ракот. Таа почина откако беше хоспитализирана во болница во Мадрид, објавува шпанскиот печат.

Ечеги се појави во повеќе од 30 филмови и ТВ серии во текот на нејзината 18-годишна кариера, најпозната по улогата во филмот „Мојот затворски двор (2008)“ во режија на Белен Масијас и продуциран од познатиот Педро Алмодовар.

Актерката, која стана позната во својата земја со својот прв филм „Јас сум Хуани (2006)“, подоцна учествуваше и во холивудски проекти.

Во Америка се пробии во 2013 година со улога во филмот „Студена дневна светлина“, каде што глумеше заедно со Брус Вилис.

Таа глумеше и заедно со британските актери Ноел Филдинг и Ричард Ајоаде во филмот од 2009 година „Зајакот и бикот“.

 

View this post on Instagram

 

A post shared by Veronica Echegui (@veronicaechegui)

Потоа таа глумеше заедно со Сем Клафлин во двојазичната романтична комедија „Книга на љубовта“ во 2022 година. Таа исто така имаше главна улога во серијата „Fortitude“, сместена во Арктичкиот круг.

Последната улога на Вероника Ечеги на екранот беше во серијата „Love You To Death“, која беше снимена во август 2023 година и емитувана претходно оваа година.

Родена во Мадрид во 1983 година, Ечеги се откажа од социологија за да студира на Кралското училиште за драмски уметности пред да започне телевизиска кариера со мали улоги во сериите „A New Life“ и „Paco and Veva“.

Шпанскиот премиер Педро Санчез го истакна нејзиниот „огромен талент и скромност“ во објава на социјалните мрежи.

„Веста за смртта на Вероника Ечеги длабоко ме шокираше. Актерка со огромен талент и скромност која нè напушти на многу млада возраст. Им испраќам најтопли прегратки на целото нејзино семејство и пријатели во ова тешко време“, напиша Санчез во својата објава.