Погледнете ја шестнесеттата епизода од СПорткаст на „Слободен печат“. Гостин на водителот Стефан Крстески се селекторот на македонската џиу-џицу репрезентација, Александар Ацевски и неговата ќерка, европската џиу-џицу вицешампионка Катерина Ацевска.

Со Александар и Катерина разговаравме џиу-џицуто како боречка вештина, за организираноста на џиу-џицу натпреварувањата на светско ниво, за почетоците и институционализирање на џиу-џицуто во Македонија. Исто така Александар направи споредба со соседниве земји кога е во прашање овој спорт а направи и паралела со условите во кои работат џиу-џицу борачите во западните земји. Кате ја прашавме зошто се одлучила баш за џиу-џицуто, како и тоа што е најпотребно за да се искачи на пиедесталите на меѓународните натпреварувања а исто така ни ги раскажа и првите борби но откри и кои се најомилени а кои најнеомилени тренинзи.