„Со Ана на ТИ“ е женски поткаст кој ќе ви пренесе нераскажани, лични приказни на луѓе кои оставиле уникатен личен и професионален печат во културата, уметноста, забавата и градскиот живот кај нас. Ќе зборуваме за првите љубови, болки, борби, падови и успеси кои сите нѐ прават луѓе.

Во вечерашниот потскат „Со Ана на ТИ“ гостинка ќе биде Ивона Јо. Ивона е пејачка и девојка која не се плаши гласно да зборува за својата борба со вишокот килограми, депресијата и сите тешки моменти кои морала да ги помине за да стигне таму каде што е денес. По две операции и многу храброст, Ивона конечно може да каже дека е задоволна со себе. За сето ова и начинот на кој го надминала најтешкиот момент во животот, за љубовта, верата во Бог и музиката зборуваваме во третата епизода на поткастот „Со Ана на ТИ“.