Зоолошка градина во Данска апелираше до јавноста да ги „донира“ своите здрави, несакани миленици за да можат да бидат евтанизирани и да станат храна за месојадните животни што ги чува.

Зоолошката градина во Алборг конкретно побара донации од живи кокошки, зајаци и заморчиња, за кои вели дека обучен кадар лесно може да ги евтанизира.

Зоолошката градина прифаќа и живи коњи, а сопствениците можат да имаат корист од даночни олеснувања, објави Би-би-си.

Во објава на Инстаграм, зоолошката градина објаснува дека има „одговорност да го имитира природниот синџир на исхрана на животните“ и дека помалите животни „формираат важен дел од исхраната на нашите предатори“.

 

View this post on Instagram

 

A post shared by Aalborg Zoo (@aalborgzoo)

Мали животни може да се донираат во текот на работните денови, не повеќе од четири одеднаш без закажување.

Во соопштението, заменик-директорката на зоолошката градина Пија Нилсен изјави дека месојадните животни во зоолошката градина се хранат со помали животни „со години“.

– Како месојадни животни, потребно е да им се обезбеди месо, по можност со крзно, коски итн. за да им се даде што е можно поприродна исхрана – објасни таа.

– Има смисла да им се дозволи на животните што треба да се евтанизираат од различни причини да станат корисни на овој начин. Во Данска оваа практика е вообичаена и многу од нашите посетители и партнери ја ценат можноста да придонесат. Животните што ги добиваме како донации се кокошки, зајаци, заморчиња и коњи – истакна тој.