EКСПО27 е саемски настан посветен на музиката и спортот, па затоа лаиците веруваат дека Роналдињо е подобар избор. Но, не е така. Бидејќи кога ќе заврши EКСПО27, по музиката, игрите и мамурлакот доаѓа отрезнување кога мора да се размислува за одржливост и профит.

-Познати светски експерти за саемската индустрија сега се повеќе потребни и треба да бидат поканети (ако веќе не е предоцна) бидејќи нивното знаење и искуство се неопходни за периодот што доаѓа по завршувањето на „пеењето и танцувањето“, односно кога ЕКСПО ќе се затвори на новиот Белградски саем (15 август 2027 година) и ќе започне макотрпното отворање на регионалните, европските и светските пазари, со идеја Белград да ја искористи можноста и да стане центар на саемскиот туризам – пишува во анализата на Нова.рс. Ангажирањето на врвен експерт треба да резултира со еден вид СВОТ анализа што би ги открила силните страни, слабостите, можностите и заканите со кои ќе се соочи државното претпријатие Белградски саем во сосема нова глобална средина што драматично се менува за саемската индустрија.

СВОТ анализата не треба да се меша со студијата за изводливост што требало да ја изработи инвеститорот и сопственикот (државата) на идниот Белградски саем пред Србија да аплицира за EКСПО27 и да започне со изградба. Таа студија требаше да ги наведе ресурсите потребни за реализација на инвестицијата и аргументите за профитабилноста на проектот. Иако формално ќе ја продолжи традицијата на стариот, новиот Белградски саем на новата локација во Сурчин сепак ќе започне од нула. Амбициите би морале да бидат поголеми од старата слава и тоа ќе биде голем предизвик за кој тој веќе требало да биде подготвен. Оти, не станува збор само за оправдување на инвестицијата од околу 700 милиони евра во изградбата на новиот саем, стои во анализата.