Жител на скопското село Огњанци вчера бил затекнат како вози автомобил изнајмен од рентакар-компанија од тетовско, кој бил пријавен за украден, соопшти МВР.

„На 17.02.2025 во 18.50 часот на Граничен премин Богородица, полициски службеници од лицето Б.Ф.(34) од с.Огњанци, општина Петровец, одзеле патничко возило „Шкода“ со скопски регистарски ознаки, сопственост на рентакар-компанија од тетовско. По преземени мерки и извршени проверки било констатирано дека возилото било барано од Полициското одделение Петровец и е предмет на кривично дело по член 239 од Кривичниот законик. Во врска со настанот, Б.Ф. изјавил дека како овластено лице на компанијата го презел возилото од полициска станица во Република Грција, за што приложил и документација на грчки јазик. Се преземаат мерки за расчистување на случајот“, велат од полицијата.