Ноќеска во 1:45 часот во ОВР – Кавадарци било пријавено дека настанал пожар во домот на Т.Ј., 55-годишен жител на овој град, при што загинала 75-годишна жена, соопшти МВР.

„Од здобиените повреди во пожарот, починала М.Д., на возраст од 75 години од село Модриште, Kичевско, која живеела во куќата, а смрт констатирал лекар од Итна медицинска помош“, информираат од Секторот за внатрешни работи – Велес.

Увид на местото извршиле јавен обвинител и екипа од ОВР – Кавадарци. По наредба на јавен обвинител, телото на починатата жена било дадено на обдукција, се додава во соопштението.