Жена била пронајдена мртва откако била нападната од гризли мечка на планинарска патека во Монтана западно од Националниот парк Јелоустоун во саботата, соопшти Одделот за риби, диви животни и паркови во Монтана. Инспекторите пронашле траги од мечка на местото на настанот, но допрва треба да ја објават официјалната причина за смртта. Властите ја затворија областа каде што било пронајдено телото на жената, која била популарна меѓу планинарите.

Одделот ги предупреди посетителите минатата недела дека вработените во паркот виделе гризли мечка во околината. Тие побарале од планинарите и оние кои размислуваат да кампуваат во паркот да носат спреј за мечки, правилно да ја складираат храната и да го фрлат целото ѓубре, пишува „Скај“.

Смртните случаи по напади на гризли мечките се исклучително ретки. Но, по зголемувањето на популацијата на овој вид мечки во Монтана во последните неколку години, имало неколку случаи на фатални напади. Во јули 2021 година, гризли убила 65-годишна жена барајќи храна. Во април истата година, гризли убила локален водич додека ловел риба долж границата на Националниот парк Јелоустоун.

Во март 2022 година, гризли убила 40-годишен маж во Националниот парк Јелоустоун, додека 51-годишен маж преживеал напад во октомври 2022 година во Националниот парк Глечер, Монтана.