40-годишна штипјанка вчераутро го оставила паркираниот автомобил во лер, по што тој самиот тргнал и удрил во 50-годишен пешак, кој е тешко повреден, соопшти полицијата.

„На 10.09.2025 околу 07:25 часот во СВР Штип е пријавено дека во круг на бензиска пумпа на ул.„Партизанска“ во Штип, 40-годишната Д.М. од Штип, откако го паркирала патничкото возило „фиат браво“ со штипски регистарски ознаки и излегла надвор, возилото само се придвижило наназад и удрило во пешакот Е.А.(50) од Штип. Во несреќата со тешки телесни повреди се здобила Е.А., констатирани во Клиничка болница Штип. Извршен бил увид од увидна екипа од СВР Штип“, пишува во полициското соопштение.