46-годишна жена од Кочани вчераутро била прегазена од нејзин 56-годишен сограѓанин со автомобил „Сузуки“, по што со тешки повреди е пренесена во штипската болница, информираат од МВР.

„На 05.05.2025 во 09:11 часот во Полициската станица Кочани е пријавено дека на ул.„Глигор Апостолов-Гочо“ во Кочани, патничко возило „сузуки“ со кочански регистарски ознаки, управувано од А.Х.(56), удрило во пешакот Т.М.(46), двајцата од Кочани. Во несреќата со тешки телесни повреди се здобила Т.М., констатирани во Клиничка болница Штип. Извршен бил увид од увидна екипа од ОВР Кочани“, пишува во полицискиот билтен.