Бугарскиот премиер Росен Жељазков во Стразбур се сретна со претседателката на ЕК Урсула фон дер Лајен. Тој коментираше пред новинарите дека е потврдена „взаемната доверба меѓу новата бугарска влада и новата Европска комисија“.

„Ние ги споделивме сите грижи што ги имаме за глобалните предизвици, местото на унијата и како да се справиме со нив. За Бугарија прашањето за насочени инвестиции во Планот за закрепнување и отпорност е исклучително важно, поврзано со реформите што треба да ги направиме, за подготвеноста на бугарската администрација и властите да инвестираат целно и да се справат со плаќањата врз основа на потребите на индустријата и секторот“, рече бугарскиот премиер.

Конкуренцијата и соработката можат да одат рака под рака и затоа ќе се бара договор со коалициските партнери за некои политички разлики поврзани со Планот за закрепнување, посочи и Жељазков.

„Како што рече г-ѓа фон дер Лајен, ова се бугарски пари и ние мора да ги добиеме“.