Се зголемува бројот на ученици и вработени од штипско средно училиште, кои имаат симптоми на труење по јадење на сендвичи во блиската сендвичарница.

Според информациите од Институтот за јавно здравје во Скопје, до денеска регистрирани се 17 лица со симптоми на труење.

„Досега се регистрирани 17 случаи, кај дел од нив од измет е изолирана „Salmonella enteritidis“. Земени се 35 примероци од храна, вработени и работни површини и се пратени во лабараторија на Институтот за јавно здравје во Скопје“, вели епидемилиогот Светлана Живкова.

Таа додава дека резултатите од земените примероци се уште се чекаат.

Сендвичарницата е затворена и земени се примероци од храната и работните површини и извршен е и санитарен преглед на сите вработени, како и нивна едукација. Мајка на дете кое заврши на Инфективното одделение во Клиничка болница-Штип изјави дека симптомите на труење нејзиното дете ги има добиено по консумирање на сендвичи со пилешки стек и пржени компири.

Петмина пријавиле симптоми на труење со храна, привремено затворена сендвичарница во Штип