Земјотрес со јачина од 8,8 степени го погоди рускиот полуостров Камчатка, постои можност за цунами во Јапонија и САД
Силен земјотрес со јачина од 8,8 степени по Рихтеровата скала го погоди крајбрежјето на далечниот исток на Русија на полуостровот Камчатка, што предизвика предупредувања за цунами во делови од Русија, Јапонија, САД, Чиле и други земји долж Пацификот, пренесува Ројтерс.
Препорачано
Овој земјотрес се смета за најсилниот што го погодил регионот во последните 70 години.
Регионалниот министер за вонредни состојби на Камчатка соопшти дека земјотресот предизвика цунами од три до четири метри околу полуостровот.
Според научниците од академијата, ова е најсилниот земјотрес на полуостровот од 1952 година.
A massive 8.7 magnitude earthquake rocks Russia’s Kamchatka Peninsula triggering 4m high tsunami waves.
Heavy losses in infrastructures.
Evacuations underway across Kamchatka and Japan’s eastern coast.
Worst quake in decades! #Earthquake #Tsunami pic.twitter.com/zaE9bCwe86
— Sunanda Roy 👑 (@SaffronSunanda) July 30, 2025
По земјотресот, во Јапонија се издадени итни предупредувања до жителите на крајбрежните региони веднаш да ги напуштат своите домови. Од утрово, на островот можат да се слушнат сирени за предупредување за цунами.
„Веднаш преместете се на повисока, безбедна локација. Времето на пристигнување на цунами е само проценка. Брановите може да пристигнат порано или подоцна. Продолжете со евакуација сè додека е на сила предупредувањето“, се вели во предупредувањето.
Првите бранови го погодија најсеверниот остров во Јапонија, Хокаидо. Од снимките објавени на социјалните мрежи се гледа како луѓе бараат засолниште на покривите од куќите.
Метеоролозите предвидуваат дека брановите цунами би можеле да достигнат висина од три до четири метри.
At least 4 whales have washed up along the coast of Japan, hours after 8.8 earthquake
Civilians seen on top of building in Hokkaido, Japan amid tsunami warning.
Tsunami Warning ⚠️ Russia, Alaska, Hawaii, Japan #earthquake #tsunami #Russia #Japan #Hawaii #Alaska pic.twitter.com/3BhfkszQjz
— Sumit (@SumitHansd) July 30, 2025
За опасност од цунами предупредуваат и Кина и САД. Кинескиот центар за предупредување од цунами соопшти дека се очекува бранови високи помеѓу 30 сантиметри и еден метар да го погодат источниот брег на земјата.
Харолд Тобин, сеизмолог на Универзитетот во Вашингтон, истакна дека она што ќе се случи на Хаваи во наредните часови ќе послужи како тест за она што можеме да го очекуваме низ Тихоокеанскиот огнен прстен.
„Сè може да се случи – од тоа да нема значителна штета на оддалечени локации, до сериозни последици во областите директно по должината на брегот“, рече тој.
За сериозноста на ситуацијата предупреди и американскиот претседател Доналд Трамп.
„Поради силниот земјотрес што се случи во Тихиот Океан, издадено е предупредување за цунами за жителите на Хаваи. Предупредување за цунами е во сила и за Алјаска и за тихоокеанскиот брег на Соединетите Американски Држави“, напиша Трамп.
