Земјотрес со интензитет од 5,9 степени според Рихтеровата скала е регистриран во 12:59 часот по локално време во западна Турција, соопшти Европско-медитеранскиот сеизмолошки центар.

Како што објавија медиумите во Турција, земјотресот бил почувствуван во Истанбул и Измир.

Епицентарот на земјотресот бил на длабочина од девет километри, на 15 километри од Симав и 71 километар од Ушак , во близина на Кутахија.

Експертите предупредија дека, со оглед на тоа што на површината во ова подрачје нема активен расед , по толку силен земјотрес, можни се последователни земјотреси до пет степени според Рихтеровата скала.