Земјотрес со интензитет од 4 степени според Рихтеровата скала се случи утрово во 9:14 часот по локално време во поширокото подрачје на Неапол, кое се смета за особено сеизмички активно.

Многу жители ги напуштија своите домови и канцеларии од страв и остануваат на градските плоштади.

Од превентивни причини, железничкиот сообраќај беше прекинат, а Универзитетот во Неапол „Федерико Секондо“ беше евакуиран.

Сепак, засега нема информации за повредени или материјална штета.

На 30 јуни, во истата област се случи земјотрес со магнитуда од 4,6 степени, најсилниот во последните години.