Домашната пролетна зелка се бере од нивите, а нејзината цена на големо е 30 денари за еден килограм. Трговците велат дека ја има во задоволителни количини и дека нема потреба од увоз.

– Зелка имаме и за извоз и ја извезуваме во земјите од поранешна Југославија, но се прави и извоз за Украина – вели Блажо Витанов од „Империал фуд“.

Земјоделците не се задоволни од цената од 30 денари за килограм, велат дека трошоците им се многу големи и стравуваат дека таа цена набргу и ќе падне.