Зелените извори обезбедуваат повеќе од 40 отсто од светската струја
Повеќе од 40 отсто од светската електрична енергија е произведена од зелени извори минатата година, што е најмногу од 1940-тите, објави денеска истражувачкиот центар „Ембер“. Иако хидроенергијата се уште е на прво место, за овој рекорд најмногу придонесе големиот раст на соларните капацитети, кои се удвоија во изминатите три години.
Препорачано
„Ембер“ изјави дека сончевата енергија е најбрзо растечки извор на енергија во светот во последните 20 години. Главниот извршен директор на Фил Мекдоналд, рече дека соларната енергија стана мотор на глобалната енергетска транзиција и, заедно со батериите за складирање енергија, ќе стане „незапирлива сила“.
„Како најбрзорастечки и најголем извор на нова електрична енергија, од клучно значење е да се задоволи зголемената светска побарувачка за електрична енергија“, рече Мекдоналд.
Од вкупно 40,9 отсто, учеството на сончевата енергија во производството на електрична енергија е 7 отсто, енергијата на ветерот 8 отсто, нуклеарната енергија 9 отсто, хидроенергијата 14 отсто и другите обновливи извори 3 отсто. Европската унија е многу над глобалниот просек, со 71 отсто од електричната енергија што доаѓа од чисти извори, вклучувајќи ја и нуклеарната енергија. 18 отсто од електричната енергија во ЕУ се произведуваше од енергијата на ветерот, а 11 отсто од сончевата енергија, што за прв пат го надмина производството од јаглен, кој имаше удел под 10 отсто. Уделот на нуклеарната енергија во ЕУ беше 24 отсто, а фосилните горива 29 отсто.
Сè повеќе распространетите технологии како што се вештачката интелигенција, центрите за податоци, електричните возила и топлинските пумпи придонесуваат за растот на глобалната побарувачка на струја.
„Меѓутоа, главната причина зошто побарувачката за електрична енергија се зголеми во 2024 година во споредба со 2023 година беше зголемувањето на користењето климатизација за време на топлотните бранови- рече Ембер.
Производството на електрична енергија од фосилни горива порасна за 1,4 отсто, а глобалните емисии во енергетскиот сектор се зголемија за 1,6 отсто до нов рекорд од 14,6 милијарди тони јаглерод диоксид.
