Само трпение, и се ќе си дојде на вистинското место во перфектно време, напиша на Фејсбук Мухамед Зеќири, поранешен генерален секретар на владата по отслужувањето на затворската казна од 2,5 години. Тој  според пресудата, требаше да врати и над милион евра во државниот буџет.

Покрај пораката, тој објави и фотографија на која насмеани позираат со неговата сопруга Бисера.

Ова е негово прво јавно огласување, откако во април 2022 година на социјалните мрежи објави отворено писмо до поранешниот премиер Димитар Ковачевски, во кое информираше дека поднесува неотповиклива оставка од функцијата Генерален секретар на Владата на Република Северна Македонија.

Зеќири беше обвинет за злоупотреба на службената положба и овластување поради договорот со фирмата „Интерхолдинг“ за консултантски услуги за потенцијална приватизација на „Пошта“ и Железници транспорт.