Инвеститорот во нискобуџетни авиопревозници „Индиго Партнерс“ со седиште во САД, продаде половина од преостанатите акции (околу девет отсто) во унгарски „Визер” за 400 милиони фунти (556 милиони американски долари), пренесува порталот „Авиејшн вик“.

Денешната продажба опфати 7,69 милиони акции, со што сопственичкиот удел на „Индиго“ во „Визер“ е намален од 17,5 на само 8,5 проценти. Продажбата беше во организација на лондонската „Барклиз банка“.

Американската фирма за управување со капитал на почетокот на февруари, исто така, продаде акции на „Визер“ во вредност од 500 милиони фунти (650 милиони долари).

„Индиго“ стана инвеститор на авиопревозникот „Визер“ во 2004 година со сопственички удел од дури 20,6 проценти. Основачот и извршен директор на оваа компанија, Вилијам А. Франке, воедно е и претседател на „Визер“.