Пресудата за предметот „Транспортер“ во кој обвинети се поранешниот градоначалник на Битола Владимир Талески и уште 20-тина лица, по речиси четиригодишно судење, треба да биде изречена утре во Основниот кривичен суд во Скопје.

Во овој предмет е обвинет поранешниот битолски градоначалник, Владимир Талески за злоупотреба на службената положба во врска со организирањето превоз на ученици во Битола, со што е направена проневера на околу 360.000 евра.

Предметот беше отворен од стран на Специјалното јавно обвинителство, а го водеше судијката Добрила Кацарска.