Во заедничка акција на Шумска полиција од Кичево со граничната полиција во атарот на село Колари пресретнат е камион со огревно дрво од државни шуми без документи за превоз.

Акцијата резултираше со запленување на камионот, кој е складиран во Полициската станица во Зајас, а против сторителите се поднесени соодветни пријави до надлежните институции.

„Продолжуваме со зголемени акции во соработка со МВР, Шумската полиција и Национални шуми. Максимално ќе се вложиме за стопирање на криминалот и трговијата со нелегално дрво и во борбата против нелегалната сеча на дрвата“, велат од министерството за шумарство, земјоделство и водостопанство.