Во текот на минатата недела, непознати сторители опожариле два контејнера за комуналнен отпад во скопската населба Серава, во општината Чаир. Од ЈП „Комунална хигиена“ информираат дека контејнерите, со зафатнина од 1,1 метар кубен, биле лоцирани на улицата Серава. Екипите на претпријатието ја исчистиле локацијата, ги тргнале остатоците од садовите за отпад и поставиле нови контејнери.

Апелираме до граѓаните внимателно да ракуваат со контејнерите поставени на јавни површини, бидејќи секое нивно оштетување значително ја нарушува динамиката на одлагањето, собирањето и транспортот на комуналниот отпад и го оневозможува навременото реализирање на тековните активности предвидени согласно Оперативната програма за работа на Претпријатието– вели в.д.директорот на  ЈП „Комунална хигиена“, Сабахадин Рустеми.

Според податоците на претпријатието, во текот на 2024 година биле опожарени 24 садови наменети за одлагање на комуналниот отпад на територијата на градот Скопје. Сите случаи на опожарување на контејнерите се пријавени кај надлежните органи.