Пратеникот од ВМРО-ДПМНЕ, Миле Лефков вечерва во „24 анализа“ на ТВ „24“ рече дека болницата во Кочани е влезена во планот за реконструкција и дека ќе биде реновирана. Според него, Законот за поддршка на семејствата на жртвите во трагедијата во Кочани, кој го предложи СДСМ, е „спротивен на правниот поредок“.

„Во изминатите два месеци Кочани поминува во тага и болка, она што се случува не би го посакале на никој. Тага, болка, одземени животни на деца кои го имаа цел живот пред себе. Ја видовме цела нефункционалност за жал го видовме грдото лице на системот, видовме и пожртвуваност. Дел од повредените се тертираат во болницата во Кочани, која не е реновирана скоро 40 години. Потребно е реновирање и инвестиции. Добра вест е што влегува во планот за реконструкции и ќе добие и кадровско и реконструкциско освежување“, рече Лефков.

Предлогот на СДСМ тој го нарече „политичко поентирање на несреќа“.

„Одбивам политичко поентирање на несреќа. Законот треба да знаете дека е спротивен на правниот проедок. Жртвите се резултат на кривично дело и се резултат на корупција. Кога се поднесува Закон, треба да биде усогласен со другите закони. Со донесување на ваков начин се нормализира корупција. Со ваков предлог на закон се создава преседан дека корупцијата е пресметлива и може да биде платена. Кога станува збор за надомест на штета, се надоместува во судска постапка и има закони“, додаде Лефков.