Некогашмиот специјален пратеник на Белата куќа за дијалог меѓу Белград и Приштина, Ричард Гренел вчера на Твитер на Србите им го честиташе Видовден, еден од најголемиоте српски празници.

Тоа предизвика лавина реакции од политичарите на Косово, а не му остана должна со реакција ниту поранешната амбасадорка на Косово во САД Вљора Читаку која го прозва поради неговото видување на историјата.

Препукувањата започнаа од оваа порака на Гренел во која објаснува зошто се чествува Видовден.

-Денеска им оддаваме почит на хероите. На денешен ден во 1389 година започна битката против Османлиите на Косово. Денеска е спомен на Светиот кнез Лазар и српските свети маченици – напиша Гренел на Твитер по што следуваше канонада од реакции од неколку поранешни косовски политичари кои се обидоа да му објаснат на Гренел дека е во заблуда и дека презентира свое видување на историјата. Најупорна меѓу нив беше токму Вљора Читаку која тврдеше дека во 1389 година се водела балканска војна.

Today we honor the #Vidovdan heroes.

On this day in 1389, the battle against the Ottomans in #Kosovo began.

Today is a memorial day to Saint Prince Lazar and the Serbian holy martyrs.

— Richard Grenell (@RichardGrenell) June 28, 2021

-Не српска, туку балканска војска се бореше против османлиското освојување. Оваа битка стана основен мит кој продолжува да го храни српскиот национализам од 19. век, држејќи не сите нас за заложници, му пиша Читаку.

Гренел не и остана должен за овие тврдења, па дури и ја искара дека „премногу се навредува“.

you are offended by too much. It must be exhausting finding an outrage in everything. The people want jobs and solutions – extend a hand. https://t.co/9x2a42cni3

— Richard Grenell (@RichardGrenell) June 28, 2021

– Веројатно е исцрпувачки кога во се се наоѓа бес. Луѓето сакаат работа и решенија – подајте им рака, и одговори Гренел на Вљора.