Ден по масовното убиство во ОУ „Владислав Рибникар“, странска држава и служба побараа да им го предадеме К.К, а јас одбив да разговарам на таа тема, изјави денеска српскиот претседател Александар Вучиќ.

Јас сум противник на теориите на заговор, но чудни работи се случуваа околу „Рибникар“, изјави Вучиќ во гостувањето на ТВ Пинк.

Вучиќ го раскажа наводниот разговор од 4 мај 2023 година, кога претставници на странска држава и странска служба во неговиот кабинет рекле дека се работи за помлад малолетник кого Србија не може ниту да му суди, ниту да го заштити.

„Ден потоа, точно задутре, „бидејќи нема да можете да го казните, а тоа дете мора да живее – оставете ни го нам…“ и така натаму. Одбив да разговарам на таа тема бидејќи знам колку би било неправедно кон семејствата на жртвите. Тоа директно ни го побара претставник на странска држава и странска служба“, изјави Вучиќ.