Српскиот претседател Александар Вучиќ денес изјави дека САД ќе воведат санкции врз српската државна нафтена компанија (НИС) и дека Србија ќе мора да размисли што да прави, но исто така рече дека се надева дека ќе се постигне „некаков договор“, јави Нова.рс.

Зборувајќи за вчерашните обвинувања дека руската страна ѝ понудила на американската страна да купи дел од НИС, Вучиќ оцени дека Русите нема да го остават тоа на никого, бидејќи нивните интереси се политички и економски.

„И тоа е логично, единственото нешто што не е логично е ние да ја платиме цената, а по некое време да купуваме гориво во канти. Тоа не може и нема да се случи, бидејќи јас нема да го дозволам“, рече Вучиќ.

Вучиќ најави дека ќе се сретне со унгарскиот премиер Виктор Орбан за седум до десет дена.

Тој рече дека Европејците сакаат да подигнат ѕид против Русија и сите, вклучително и Србија, да бидат на страната на ЕУ.

Како што рече, никој повеќе не е заинтересиран за задачите на ОДИХР, туку само за санкциите против Русија.