Српскиот премиер Милош Вучевиќ по повод затворањето на Даночната управа во Северна Митровица изјави дека и на вториот ден од Божиќ Србите во Косово немаат мир, бидејќи што посочои на теророт на косовскиот премиер Курти му нема крај, објави Косовоонлајн.

„Нема крај на теророт на Курти врз српскиот народ на Косово и Метохија. Како да не му беа доволни претходните потези, насочени исклучиво против Србите, за да им го отежне нормалниот живот и престојот и опстанокот на Косово и Метохија, па на вториот ден од Божиќ продолжи со своите насилни акции и провокации. . Неговите инспектори и таканаречената косовска полиција упаднаа во огранокот на даночната управа на Министерството за финансии на Владата на Република Србија во северниот дел на Косовска Митровица, кој го затворија по претрес. Срамно и неприфатливо, бидејќи и на овој голем христијански празник Србите на Косово и Метохија немаат мир!“, напиша Вучевиќ на Инстаграм.

Како што додаде, Курти покажал дека не сака нормализација на односите, туку дека е заинтересиран само да предизвика дестабилизација.

Тој порача дека нема да успее во намерата да ги скрши Србите, бидејќи државата Србија секогаш ќе биде со својот народ.